1972 میں لاپتہ ہونے والی لڑکی 52 سال بعد زندہ مل گئی

برطانوی شہر ویسٹ مڈلینڈز سے 1972 میں پراسرار طور پر لاپتہ ہونے والی ایک خاتون بالآخر زندہ مل گئی ہے۔  

ڈیلی میل آن لائن کی رپورٹ کے مطابق شیلا فاکس 16 سال کی عمر میں کووینٹری سٹی سینٹر سے پراسرار طور پر غائب ہو گئیں جب اوروں کو شبہ تھا کہ وہ کسی عمر رسیدہ شخص کے ساتھ تعلقات میں ہیں۔

پولیس نے اس وقت اطلاع دی تھی کہ لڑکی اپنے والدین کے ساتھ رہ رہی تھی اور اس کے ٹھکانے کے بارے میں کسی کو معلوم نہیں ہوگا۔

پولیس حکام کو طویل عرصے سے امید تھی کہ فاکس صرف علاقے سے باہر چلی گئی ہوں گی جب کہ اس متعلق انہوں نے کسی کچھ بتایا نہیں ہوگا۔

تاہم کئی دہائیوں تک کوئی سراغ نہ ملنے کے بعد حکام نے گزشتہ ہفتے دوبارہ اپیل کا آغاز کیا۔

پولیس کے ترجمان کا کہنا تھا کہ ‘ہمیں یہ اعلان کرتے ہوئے خوشی ہو رہی ہے کہ ویسٹ مڈلینڈز پولیس کی طویل عرصے سے لاپتہ افراد کی تحقیقات مکمل ہو گئی ہیں۔’

"ہم نے حال ہی میں شیلا فاکس کو تلاش کرنے میں مدد کرنے کے لئے ایک نئی اپیل شائع کی ہے، جو 1972 میں کووینٹری سے لاپتہ ہوگئی تھی۔ شیلا کی گمشدگی کے وقت کی ایک تصویر تفتیش کرنے والے افسروں کو ملی اور ہماری ویب سائٹ اور سوشل میڈیا پر شائع ہوئی۔

ترجمان کا کہنا تھا کہ اپیل کے چند گھنٹوں کے اندر ہی عوام سے رابطہ ہوا جس کی وجہ سے پولیس ان کے پاس پہنچی۔

شیلا کے محفوظ اور صحت مند ہونے کی تصدیق ہو گئی اور وہ ملک کے دوسرے حصے میں رہ رہی ہیں اور آخر کار سب سے طویل عرصے سے لاپتہ افراد کے معاملوں میں سے ایک کو حل کر دیا گیا جس کی ہم نے تحقیقات کی ہیں۔

فورس کی کولڈ کیس انویسٹی گیشن ٹیم سے تعلق رکھنے والے ڈیٹیکٹیو سارجنٹ جینا شا نے مزید کہا ہم پانچ دہائیوں سے زیادہ عرصے کے بعد شیلا کو تلاش کرنے پر بہت خوش ہیں۔