صیہونیوں میں پھوٹ پڑگئی، سابق وزیر دفاع پارلیمنٹ سے مستعفی

یروشلم: اسرائیل کے سابق وزیر دفاع یواو گیلنٹ کا نیتن یاہو سے اختلافات کے بعد 45 سالہ پارلیمنٹ کا سفر بھی اختتام ہو گیا۔

عالمی خبر رساں ادارے رائٹرز کے مطابق غزہ میں حماس کے خلاف جنگ کے انعقاد پر کئی ماہ کے اختلافات کے بعد اسرائیلی وزیر اعظم نیتن یاہو نے نومبر میں گیلنٹ کو حکومت سے برطرف کر دیا تھا۔

رپورٹ کے مطابق سابق وزیر دفاع گیلنٹ نے ٹیلی ویژن پر نشر ہونے والے ایک بیان میں کہا کہ ایسے لمحات ہوتے ہیں جن میں اہداف کے حصول کیلئے رکنا، جائزہ لینا اور سمت کا انتخاب کرنا ہوتا ہے۔

مزید پڑھیں:حماس نے اسرائیل پر ایک مرتبہ پھر میزائلوں کی بارش کردی

سابق وزیر دفاع گیلنٹ اکثر نیتن یاہو اور انتہائی دائیں بازو اور مذہبی جماعتوں کے اتحادیوں کے ساتھ تعلقات توڑتے رہے ہیں، جن میں انتہائی آرتھوڈوکس یہودی مردوں کو فوج میں خدمات انجام دینے سے استثنیٰ بھی شامل ہے۔

خیال رہے کہ سابق وزیر دفاع یواو گیلنٹ نے کنیسیٹ (اسرائیلی پارلیمنٹ) میں منتخب رکن کی حیثیت سے اپنی نشست برقرار رکھی تھی۔