ہانیہ عامر کے رقص نے انٹرنیٹ پر تہلکہ مچادیا، ویڈیو وائرل

انسٹاگرام پر سب سے زیادہ فالو کی جانے والی پاکستانی خوبرو اداکارہ ہانیہ عامر کے ڈانس مووز سوشل میڈیا صارفین کی توجہ کا مرکز بن گئے۔

پاکستان کے کئی ہِٹ اور نامور ڈراموں میں اپنی بہترین اداکاری کے جوہر دکھانے والی اداکارہ یشما گِل کی بہن عروبہ کی شادی کی تقریبات کا خوب شور ہے۔

اس شادی کی ویڈیوز و تصاویر سوشل میڈیا پر آتے ہی چھا رہی ہیں اور مداح بھی اس تقریب کو خوب انجوائے کررہے ہیں۔

ہانیہ عامر نے اداکارہ یشما گِل کی بہن کی مہندی پر رقص کیا جس کی ویڈیوز مختلف پیچز پر پوسٹ کی جا رہی ہے مگر اداکار حماد شعیب کی جانب سے جاری کی گئی ویڈیو نے دھوم مچا رکھی ہے۔

نیلے لہنگے میں ملبوس ہانیہ عامر نے دنانیر مبین، یشما گِل، امر خان اور دیگر ساتھیوں کے ہمراہ مہندی میں خوب  رونق لگائی اور جم کر رقص کیا۔

شادی کی اس تقریب میں کومل میر، ندا یاسر، یاسر نواز، شازیہ وجاہت، صبور علی، کنزیٰ ہاشمی سمیت دیگر شوبز ستاروں نے شرکت کی۔