‘اسکوئڈ گیم’ سیزن 3 کب ریلیز ہوگا؟ نیٹ فلکس نے تاریخ لیک کردی

اسکوئڈ گیم سیزن 3 کے بارے میں ایک حیرت انگیز انکشاف نے مداحوں کو حیران کردیا ہے  جس کی وجہ نیٹ فلکس کوریا کی طرف سے غلطی سے اپ لوڈ کی گئی ایک ٹیزر ویڈیو ہے۔

اسٹریمنگ سروس کے آفیشل یوٹیوب اکاؤنٹ پر پوسٹ کی گئی اس ویڈیو میں اسکوئڈ گیم سیزن 3 کو 27 جون 2025 کو ریلیز ہونے کا اشارہ دیا گیا ہے جس کے بعد سوشل میڈیا پر دھوم مچ گئی۔

ٹیزر میں ‘ریڈ لائٹ، گرین لائٹ’ گیم سے تعلق رکھنے والے بدنام زمانہ لڑکی روبوٹ ینگ ہی کو دکھایا گیا جس کا سامنا نئے سیزن میں اب ایک نئے روبوٹ چول سو سے ہوگا۔

اس منظر نے سیزن 2 کے پوسٹ کریڈٹ کلپ کی بازگشت سنائی جس سے شائقین نے یہ نظریہ پیش کیا کہ افق پر ایک نیا مہلک کھیل ہوسکتا ہے۔ اگرچہ نیٹ فلکس نے ویڈیو کو لائیو ہونے کے فورا بعد ہٹا دیا تھا لیکن یہ خبر تیزی سے انٹرنیٹ پر پھیل گئی جس سے اسکوئڈ گیم مداحوں میں ہلچل مچ گئی۔

اگرچہ بہت سے مداح فوری ریلیز کی تاریخ کے بارے میں پرجوش ہیں لیکن سیریز کے جاری رہنے کے بارے میں ملے جلے رد عمل ہیں۔

کچھ لوگوں کا خیال ہے کہ سیزن 2 کو شو کا اختتام ہونا چاہئے تھا، کچھ نے یہ بھی مشورہ دیا کہ دوسرے سیزن کو دس اقساط تک بڑھایا جاسکتا تھا۔ تاہم ، دوسرے لوگ کہانی کو جاری رکھنے کے لئے شکر گزار ہیں۔

نیٹ فلکس نے ابھی تک باضابطہ طور پر تفصیلات کی تصدیق نہیں کی حالانکہ انہوں نے ایک پوسٹر جاری کیا ہے جس میں ینگ ہی اور چول سو شامل ہیں۔

دوسری جانب معروف ہالی ووڈ اسٹار لیونارڈو ڈی کیپریو کے آئندہ سیزن میں نظر آنے کی افواہیں بھی زیر گردش ہیں تاہم نیٹ فلکس اور لیونارڈو نے ان افواہوں کی تردید کی ہے۔