سہ ملکی سیریز؛ پی سی بی نے میچز کہاں منتقل کیے؟

پاکستان کرکٹ بورڈ (پی سی بی) نے نیوزی لینڈ اور جنوبی افریقا کے ساتھ سہ ملکی سیریز لاہور اور کراچی منتقل کردی۔

کرک انفو کی رپورٹ کے مطابق میچز پر مشتمل سہ ملکی سیریز پہلے ملتان میں کھیلی جانی تھی تاہم بورڈ نے اب سیریز قذافی اسٹیڈیم لاہور اور نیشنل اسٹیڈیم کراچی منتقل کر دیے ہیں۔ سہ ملکی سیریز 8 فروری سے شروع ہوگی۔

بورڈ حکام کا کہنا ہے کہ پی سی بی اپنے اَپ گریڈ شدہ اسٹیڈیم پر میچز کھیلانے کو تیار ہے۔

واضح رہے کہ کراچی اور لاہور اسٹیڈیم کی اہم اَپ گریڈیشن اور تزئین و آرائش کا کام اب بھی جاری ہے جس کے باعث گزشتہ برس 7 ٹیسٹ میچز کی میزبانی کے لیے دونوں اسٹیٹیم دستیاب نہیں تھے۔

کراچی میں انگلینڈ کے خلاف ایک ٹیسٹ میچ شیڈول کیا گیا تھا تاہم بعد ازاں اس کو بھی ملتان منتقل کر دیا گیا۔ حالیہ دورے پر آئی ویسٹ انڈیز ٹیم بھی دو ٹیسٹ میچز ملتان میں ہی کھیلے گی۔

پی سی بی نے واضح کیا ہے کہ قذافی اسٹیڈیم کا اپ گریڈیشن کام جنوری کے آخری ہفتے میں مکمل کرلیا جائے گا۔