پاکستانیوں کا بنگلادیش جانا ہوا آسان؛ پابندیاں نرم کردیں گئیں

سابق وزیراعظم شیخ حسینہ واجد کی حکومت کے خاتمے کے ساتھ ہی بنگلادیش اور پاکستان کے درمیان معاملات معمول پر آنے لگے۔

بنگلادیش کے سفیر محمد اقبال خان نے لاہور چیمبر آف کامرس کا دورہ کیا اور خطاب بھی کیا۔ انہوں نے کہا کہ لاہور کی تہذیب اور ثقافت کسی تعارف کی محتاج نہیں، بنگلادیش کے عوام پاکستانی عوام سے محبت کا رشتہ رکھنا چاہتے ہیں اور دونوں ممالک کے درمیان تعاون بڑھانا وقت کی ضرورت ہے۔

ان کا کہنا تھا کہ پاکستان بنگلادیش باہمی تجارت بڑھانے کیلئے لاہور چیمبر کردار ادا کرسکتا ہے اور بنگلاعوام پاکستان کوعزت کی نگاہ سے دیکھتے ہیں، دونوں ممالک کو معاشی واقتصادی تعاون کو مضبوط کرنا ہوگا۔

مزید پڑھیں: پاکستان کا کرپٹو کرنسی متعارف کرانے کا فیصلہ

سفیر کا کہنا تھا کہ بنگلادیش نے پاکستانیوں کیلئے ویزا شرائط بہت آسان کر دی ہیں اور اب پاکستان کے شہری بنگلا دیش کا ویزا آن لائن بھی حاصل کرسکتے ہیں۔

مزید پڑھیں: پاکستان کی برآمدات 16 ارب ڈالر سے تجاوز کر گئیں

صدر لاہور چیمبر میاں ابوذر شاد کا کہنا تھا کہ ہم بنگلادیش سے تجارت بڑھانے کے خواہاں ہیں، ہمارے وفود جلد بنگلادیش جائیں گے۔