کیا بھارتی کرکٹر بالی ووڈ ادکارہ کی بیٹی کو ڈیٹ کررہے ہیں؟

بھارتی کرکٹ ٹیم کے اسپنر کلدیپ یادو کی بالی ووڈ کی نامور اداکارہ روینا ٹنڈن کی بیٹی سے ڈیٹنگ کی خبریں سوشل میڈیا کی زینت بننے لگیں۔

میڈیا رپورٹس کے مطابق دونوں کے درمیان قیاس آرائیاں اس وقت شروع ہوئیں جب مداحوں نے دیکھا کہ کلدیپ یادو روینہ ٹنڈن کی بیٹی راشا تھاڈانی کی انسٹاگرام پوسٹس پر لائیکس کررہے ہیں، جس نے ڈیٹنگ کی خبروں کو جنم دیا ہے۔

تاہم، راشا تھڈانی اور کلدیپ دونوں نے ان افواہوں کے بارے میں کوئی بیان نہیں دیا ہے۔

مزید پڑھیں: عائشہ آفریدی کا شاہد آفریدی سے کیا رشتہ ہے؟

ڈیٹنگ کی خبریں اداکارہ کی بیٹی کے فلم میں ڈیبیو محض چند ہفتوں قبل شروع ہوئی ہیں، جس میں انہیں لانچ کیا جائے گا۔

دوسری جانب کلدیپ یادو انجری کے باعث انگلینڈ کیخلاف سیریز سے باہر ہوگئے ہیں۔