لاس اینجلس میں آتشزدگی تھم نہ سکی، ہلاکتوں کی تعداد 16 ہوگئی

امریکی ریاست کیلیفورنیا کے شہر لاس اینجلس میں تیز ہواؤں اور ہوا میں نمی کے کم تناسب سمیت موسمی حالات میں شدت کا سلسلہ جاری ہے، جس کی وجہ سے جنگل کی آگ پھیل رہی ہے اور متاثرین کی تعداد میں اضافہ ہو رہا ہے۔

نئے اعداد و شمار کے مطابق اب تک 16 افراد جان کی بازی ہار چکے ہیں، 10ہزار عمارتیں تباہ ہو چکی ہیں اور ایک لاکھ 53ہزار لوگوں کو انخلاء کے احکامات موصول ہو چکے ہیں۔

مزید پڑھیں:لاس انجیلس جنگلات میں لگی آگ سے 150 ارب ڈالر کا نقصان، لاکھوں بےگھر

ماہرین موسمیات نے پیش گوئی کی ہے کہ اس ہفتے کے آخر میں لاس اینجلس میں تیز، خشک ہوائیں دوبارہ تیز ہو جائیں گی، جس سے علاقے میں آگ کی صورتحال مزید ابتر ہوجائے گی۔

لاس اینجلس کے فائر چیف کرسٹین کرولی نے فاکس نیوز کو بتایا کہ ان کے محکمہ کے بجٹ سے  17 ملین ڈالر کی کٹوتی اور پانی کی فراہمی کے مسائل نے فائر فائٹرز کی جنگل کی آگ پر قابو پانے کی صلاحیت کو کم کر دیا ہے۔

 آتشزدگی میں ہلاک ہونے والے 16 افراد میں ایسے 4 سیاہ فام افراد بھی شامل ہیں جو اپنے گھروں سے نکلنے کے قابل بھی نہیں تھے۔

مقامی رپورٹس بتاتی ہیں کہ ان لوگوں میں سے ایک 63 سالہ معذور شخص اپنے بیمار بیٹے کے ساتھ موجود تھا اور آگ لگنے کے وقت اپنے بیٹے کو اکیلا نہیں چھوڑ سکتا تھا، لہذا دونوں جل کر ہلاک ہوگئے۔