ملک میں سونے کی قیمت میں ایک دم بڑا اضافہ

پاکستان میں پہلے کاروباری روز سونے کی قیمتوں میں آج بڑا اضافہ ریکارڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق 24 قیراط کے حامل ایک تولہ سونے کی قیمت میں 1500 روپے کا اضافہ ہوا ہے جس کے بعد فی تولہ 2 لاکھ 79 ہزار 300 روپے پر پہنچ گیا۔

ایسوسی ایشن کے مطابق 24 قیراط کے حامل 10 گرام سونے کی قدر 1286 روپے بڑھ کر 2 لاکھ 39 ہزار 455 روپے ہوگئی جب کہ فی تولہ چاندی 3350 روپے پر مستحکم ہے۔

اس کے علاوہ بین الاقوامی صرافہ بازار میں دن کے دوران 15 ڈالر کی کمی کے بعد سونے کا بھاؤ 2675 ڈالر فی اونس مقرر کیا گیا ہے۔

واضح رہے کہ ہفتے کے روز ملک میں فی تولہ سونے کے نرخ میں 1400 روپے کا اضافہ ہوا تھا۔