عمرہ زائرین کیلئے مختلف بیماریوں سے بچاؤ کی ویکسینیشن لازمی قرار

سعودی وزارت صحت نے دنیا بھر کے عمرہ زائرین کے لیے صحت کے اصول جاری کردیے ہیں۔

سعودی سول ایوی ایشن کے جاری کردہ نوٹیفکیشن کے مطابق عمرہ زائرین کے لیے تمام ضروری ویکسینیشن اور احتیاطی تدابیر لازمی ہوں گی۔

نوٹیفکیشن میں مسافروں کو صحت دستاویزات، بشمول ویکسینیشن سرٹیفکیٹ ساتھ لانے کی ہدایت کی گئی ہے۔

دنیا بھر سے آنے والے زائرین کے لیے میننجائٹس ویکسین لازمی قرار  دی گئی اور مملکت پہنچنے والے تمام زائرین کو ویکسینیشن سرٹیفکیٹ پیش کرنا ہوگا۔

پاکستان، نائجیریا، افغانستان اور دیگر متاثرہ ممالک سے جانے والے زائرین کے لیے پولیو ویکسین لازمی ہوگی جب کہ  انگولا، نائجیریا، برازیل اور کانگو کے مسافروں کے لیے زرد بخار کی ویکسین لازمی ہوگی۔

سعودی وزارت صحت نے کہا ہے کہ عالمی ادارہ صحت (ڈبلیو ایچ او) کی سفارش پر کورونا اور موسمی فلو کی ویکسین لازمی ہوگی۔

اس کے علاوہ عمرہ زائرین کو ٹیٹنس، خسرہ و دیگر بیماریوں کی ویکسینیشن مکمل کروانے کی بھی ہدایت کی گئی ہے