فی تولہ سونے کے بھاؤ میں بڑا اضافہ

ملک میں فی تولہ سونے کی قیمت کمی کے بعد ایک بار پھر بڑھ گئی۔

آل پاکستان جیمز اینڈ جیولرز ایسوسی ایشن کے مطابق 24 قیراط کے حامل ایک تولہ سونے کا بھاؤ میں 500 روپے کا اضافہ ہوا ہے جس کے بعد فی تولہ سونا 2 لاکھ 82 ہزار 900 روپے پر پہنچ گیا۔

ایسوسی ایشن کے مطابق 24 قیراط کے حامل 10 گرام سونے کی قیمت 429 روپے بڑھ کر 2 لاکھ 42 ہزار 541 روپے ہوگئی جب کہ فی تولہ چاندی کی قدر 9 روپے کی کمی سے 3372 روپے پر آگئی۔

دوسری جانب بین الاقوامی صرافہ مارکیٹ میں دن کے دوران 5 ڈالر کے اضافے سے سونے کا نرخ 2708 ڈالر فی اونس مقرر کیا گیا ہے۔

واضح رہے کہ گزشتہ روز پاکستان میں فی تولہ سونے کی قیمت میں 200 روپے کی کمی ریکارڈ کی گئی تھی۔