پاکستان میں سونا سستا ہوگیا

ملک میں گزشتہ روز بڑے اضافے کے بعد آج سونے کی قیمتوں میں کمی ہوئی ہے۔

آل پاکستان جیمز اینڈ جیولرز ایسوسی ایشن کے مطابق 24 قیراط کے حامل ایک تولہ سونے کے دام میں 300 روپے کمی ہوئی ہے جس کے بعد فی تولہ سونا 2 لاکھ 83 ہزار 200 روپے پر آگیا۔

ایسوسی ایشن کے مطابق 24 قیراط کے حامل 10 گرام سونے کی قدر 257 روپے گھٹ کر 2 لاکھ 42 ہزار 798 روپے ہوگئی جب کہ فی تولہ چاندی کی قیمت 3372 روپے پر برقرار ہے۔

اس کے علاوہ بین الاقوامی صرافہ مارکیٹ میں دن کے دوران 3 ڈالر کے اضافے کے بعد سونے کا بھاؤ 2711 ڈالر فی اونس مقرر کیا گیا ہے۔

یہ بھی پڑھیں: سعودی عرب کا ریکوڈک گولڈ پراجیکٹ میں حصص خریدنے کا فیصلہ

واضح رہے کہ گزشتہ روز پاکستان میں فی تولہ سونے کے نرخ میں 500 روپے کا اضافہ ریکارڈ کیا گیا تھا۔