امیتابھ بچن نے اپنا اپارٹمنٹ فروخت کرکے کتنا منافع کمایا؟

بالی ووڈ کے لیجنڈری سپر اسٹار امیتابھ بچن نے ممبئی میں اپنا اوشیوارا ڈوپلیکس اپارٹمنٹ فروخت کرکے زبردست منافع کمایا ہے۔

امیتابھ بچن کی مذکورہ جائیداد اوشیوارہ میں کرسٹل گروپ کے رہائشی پروجیکٹ اٹلانٹس میں واقع ہے۔ بگ بی نے اپنا ڈوپلیکس اپارٹمنٹ 83 کروڑ بھارتی روپے میں فروخت کر کے 168 فیصد منافع کمایا ہے۔

بگ بی نے اپریل 2021 میں ڈوپلیکس اپارٹمنٹ صرف 31 کروڑ میں خریدا تھا، جسے صرف چار سال بعد 168 فیصد منافع پر 83 کروڑ میں فروخت کیا گیا ہے۔

واضح رہے کہ یہ اپارٹمنٹ اس سے قبل نومبر 2021 میں اداکارہ کریتی سینن کو 10 لاکھ روپے ماہانہ کرایہ اور 60 لاکھ روپے سیکیورٹی ڈپازٹ کے ساتھ کرایہ پر دیا گیا تھا۔

2024 تک، بچن فیملی نے رئیل اسٹیٹ میں 100 کروڑ سے زیادہ کی سرمایہ کاری کی جس میں بنیادی طور پر اوشیوارا اور مگتھانے (بوریولی ایسٹ) میں رہائشی اور تجارتی جائیدادوں پر توجہ مرکوز کی گئی۔

بالی ووڈ اسٹار کا رئیل اسٹیٹ پورٹ فولیو ان کی اسٹریٹجک سرمایہ کاری کے نقطہ نظر کی عکاسی کرتا ہے  جو 2020 سے 2024 تک 200 کروڑ سے تجاوز کرچکا ہے۔