بھارت میں اسرائیلی خاتون سیاح سے اجتماعی زیادتی

بھارت میں اسرائیلی خاتون سیاح کو اجتماعی زیادتی کا نشانہ بنادیا گیا۔

بھارتی میڈیا کے مطابق یہ ریاست کرناٹکا میں دو خواتین کو اجتماعی زیادتی کانشانہ بنایاگیا۔ ابتدائی پولیس رپورٹ کے مطابق متاثرہ خواتین میں ستائیس سال کی اسرائیلی سیاح خاتون اور دوسری ان کی ساتھی ہے۔

بھارتی میڈٰیا رپورٹس کے مطابق واقہ اس وقت پیش آیا جب متاثرہ خواتین بنگلورو سے 350 کلو میٹر دور کوپال کینال کے علاقے میں موجود تھیں اور ان کے ساتھ 3 دیگر مسافر بھی تھے۔

پولیس کے مطابق ملزمان نے خاتون کو زیادتی کا نشانہ بنانے سے قبل 3 مسافروں کو کینال میں دھکا دے کر گرادیا جن میں ایک امریکی شہری اور 2 بھارتی شہری شامل تھے، کینال میں گرنے کے بعد ایک بھارتی شہری ڈوب کر ہلاک ہوا جب کہ دیگر 2 نے تیر کر اپنی جان بچالی۔پولیس نے بتایا کہ ملزمان نے مجموعی طور پر 5 افراد پر حملہ کیا جن میں 2 خواتین اور 3 مرد شامل ہیں جن میں سے ایک اسرائیلی اور ایک امریکی شہری ہے۔

پولیس کے مطابق زیادتی کا نشانہ بنائی جانے والی اسرائیلی خاتون سیاح کو اسپتال میں طبی امداد فراہم کی جارہی ہے۔ پولیس کا کہنا ہےکہ واقعے کا مقدمہ درج کرلیا گیا ہے اور ملزمان کو جلد گرفتار کرلیا جائے گا۔