میں اب پردہ کرتی ہوں، زرنش خان کی پرانی تصویریں استعمال نہ کرنے کی درخواست

پاکستانی شوبز انڈسٹری اداکارہ زرنش خان نے اچانک سب کی توجہ حاصل کرلی۔

زرنش خان نے اپنے آفیشل انسٹاگرام کی اسٹوری پر لکھا، میری سارے سوشل میڈیا پلیٹ فارمز سے درخواست ہے کہ برائے مہربانی ان کی پرانی تصاویر استعمال نہ کریں۔

زرنش خان کا کہنا ہے کہ وہ اب پردہ کرتی ہیں اس لیے درخواست کر سکتی ہیں کہ ان کی پرانی تصاویر استعمال نہ کی جائیں۔

انھوں نے کہا باقی جس کو جو لکھنا ہے وہ لکھے بس ان کی پرانی تصاویر اور ویڈیوز استعمال نہ کریں۔

یاد رہے کہ زرنش خان نے 2023ء میں عمرے کی سعادت حاصل کرنے بعد شوبز انڈسٹری کو خیر باد کہہ دیا تھا۔  زرنش خان نے شوبز سے علیحدگی اختیار کرنے کی وجہ سے پردہ اٹھاتے ہوئے انکشاف کیا تھا کہ انہیں خواب میں حضور اکرم ﷺ کی زیارت نصیب ہوئی، جس کے بعد انہوں نے فیصلہ کیا کہ وہ اب شوبز سے دوری اختیار کریں گی۔

یہ بھی پڑھیں: زرنش خان نے ڈاکٹر ذاکر نائیک سے معافی کیوں مانگی؟

زرنش خان نے کہا کہ جب وہ شوہر کے ساتھ عمرے کی ادائیگی کے لیے گئیں اور عمرے کی ادائیگی کے بعد ان کی زندگی یکدم بدل کررہ گئی، عمرے کی ادائیگی کے لیے مقدس مقامات پر پہنچنے کے بعد انہوں نے وہاں چاروں طرف افراد کو روتے دیکھا۔

انہوں نے انکشاف کیا کہ عمرے کے ادائیگی کے دوران ہی رات کو خواب میں حضور اکرم ﷺ آئے، جنہوں نے ان سے کافی دیر تک باتیں کیں، انہیں کافی دیر تک تعجب ہوا اور اس بات پر حیران رہیں کہ کیسے ان جیسی گناہگار خاتون کے خواب میں حضور اکرم ﷺ آئے۔