اسرائیل کا تہران پر بڑا حملہ ، ایران نے دن میں اسرائیل پر میزائل فائر کردیے

ایران کا دارالحکومت تہران زوردار دھماکوں سے گونج اٹھا۔ جوابی طور پر ایران نے دن میں اسرائیل پر میزائل فائر کردیے۔

ایران نے جوابی طور پر اسرائیل پر نیا حملہ کردیا، ایرانی میڈیا کے مطابق نامعلوم مقام سے بیلسٹک میزائل فائر کیےگئے۔ ایران نےقیصریہ میں نیتن یاہو کےخاندانی گھرکونشانہ بنایاہے۔

ایران نے میزائل حملوں میں حدیرہ پاور اسٹیشن کو نشانہ بنایا، حملوں کے بعد اسرائیلی شہرحیفہ، الفولہ اور نازریتھ میں دھماکےسنےگئےہیں میڈیا رپورٹس کے مطابق اسرائیل کے شمالی علاقے میں بھی دھماکےسنےگئےہیں۔

بین الاقوامی میڈیا رپورٹس کے مطابق تہران کے مختلف علاقوں میں نئے دھماکوں کی اطلاع مل رہی ہے جب کہ دارالحکومت پر اسرائیلی حملوں میں شدت آتی جا رہی ہے۔

اطلاعات کے مطابق یہ حملے تہران کے شمال میں نیااران اور شہر کے وسط میں والیاسر اور ہفت تیر چوکوں کے آس پاس ہوئے۔

ایرانی میڈیا کا کہنا ہے کہ تہران میں کشوراسٹریٹ کے قریب رہائشی عمارت پر اسرائیلی حملہ ہوا ہے جس میں خواتین اور بچے زخمی ہوئے ہیں۔

یہ حملے ایسے وقت میں کیے گئے جب تہران کے جوہری پروگرام اور فوجی صنعتوں کے خلاف اسرائیل کے حملے تیسرے روز بھی جاری رہی۔

اسرائیلی فوج کی جانب سے ایرانی شہریوں کو ہتھیاروں کی فیکٹریوں کے ارد گرد کے علاقوں کو خالی کرنے کے لیے انخلاء کی وارننگ جاری کرنے کے چند گھنٹے بعد حملے ہوئے ہیں۔

مقامی میڈیا کے مطابق، ملک کے جنوب میں شیراز میں ایرانی فوجی ٹھکانوں پر بھی حملوں کی اطلاع ملی ہے۔