کپل شرما شو کے معروف کامیڈین کا شو چھوڑنے کا فیصلہ، وجہ بھی سامنے آگئی

انڈیا کے مقبول کامیڈین کپل شرما کے ایک اور ساتھی نے انھیں خیرباد کہنے جارہے ہیں۔

بھارتی ذرائع ابلاغ کے مطابق کیکو شاردا جلد نیٹ فلکس پر آنے والے شو دی گریٹ انڈین کپل شو کو چھوڑ دیں گے۔

رپورٹس کے مطابق کیکو نے ایمازون پر نشر ہونے والے شو کو سائن کرلیا جس کی وجہ سے وہ کپل کا شو چھوڑ رہے ہیں۔

تاہم اس حوالے سے کپل شرما کی ٹیم، کپل یا خود کیکو شاردا نے کسی قسم کی تصدیق یا انکار نہیں کیا۔

اس سے قبل کرشنا ابھیشیک، سنیل گروور اور سمونا چکرورتی بھی شو چھوڑ چکے ہیں لیکن کرشنا اور سنیل گروور کی واپسی ہوئی جب کہ سمونا اب اس ٹیم کا حصہ نہیں ہیں۔