ریچھ کے حملے کے بعد سنگر قرۃ العین بلوچ کا ردعمل سامنے آگیا

گلگت بلتستان: اسکردو کے علاقے استور میں میں ریچھ کے حملے کا شکار گلوکارہ قرۃ العین بلوچ کی ٹیم نے ان کی صحت سے متعلق باضابطہ بیان جاری کردیا۔

قرۃ العین بلوچ کے انسٹاگرام سے جاری بیان میں بتایا گیا کہ گلوکارہ بلتستان میں سیلاب متاثرین کی بحالی کے لیے جامع ڈیزاسٹر ریسپانس سروسز (سی ڈی آر ایس) کے ساتھ متاثرہ دیہات میں امدادی سرگرمیوں میں شریک تھیں۔

4 ستمبر کی رات دورانِ قیام، خیمے میں موجودگی کے وقت ان پر بھورے ریچھ نے حملہ کیا تاہم سی ڈی آر ایس ٹیم نے فوری کارروائی کرتے ہوئے ریچھ کو بھگا دیا۔

قرۃ العین بلوچ کو فوراً قریبی طبی مرکز منتقل کیا گیا جہاں ڈاکٹروں نے تصدیق کی کہ ان کی حالت خطرے سے باہر ہے اور کوئی فریکچر نہیں ہوا۔ وہ تیزی سے صحت یاب ہورہی ہیں۔

گلوکارہ کی ٹیم نے مداحوں سے دعاؤں کی اپیل کرتے ہوئے کہا کہ وہ اس وقت ان کی پرائیویسی کا خیال رکھیں کیونکہ قرۃ العین کو مکمل آرام کی ضرورت ہے۔ ساتھ ہی تمام عوامی سرگرمیوں کو ان کی صحت یابی تک ملتوی کردیا گیا ہے۔

View this post on Instagram

A post shared by Quratulain قراۃلعین بلوچ (@qbalouch)