سعودی عرب میں امریکی سفارت خانے پر ایران کا ڈرون حملہ، سی آئی اے کا مرکز تباہ

ایران نے سعودی عرب کے دارالحکومت ریاض میں امریکی سفارت خانے کے اندر موجود سی آئی اے کے اہم ترین جاسوسی مرکز کو ڈرون حملے سے نشانہ بنا کر شدید نقصان پہنچایا ہے۔

سعودی عرب میں امریکی سفارت خانے کے اندر واقع مرکزی انٹیلی جنس ایجنسی (سی آئی اے) کے اسٹیشن پر مشتبہ ایرانی ڈرون حملے کی اطلاع ملی ہے، جسے اسلامی جمہوریہ ایران کی ایک بڑی علامتی فتح قرار دیا جا رہا ہے۔

امریکی اور سعودی حکومتوں نے تصدیق کی ہے کہ دو ڈرونز ریاض میں امریکی سفارت خانے کے احاطے سے ٹکرائے، تاہم انہوں نے اس بات کو چھپانے کی کوشش کی کہ اصل نشانہ سی آئی اے کا جاسوسی مرکز تھا۔

حملے میں سفارت خانے کی چھت کا ایک حصہ گر گیا اور عمارت کے اندر دھواں بھر گیا۔ یہ حملہ امریکہ اور اسرائیل کی جانب سے ایران پر کیے گئے حملوں کے تیسرے دن کیا گیا ہے۔

یہ بھی پڑھیں : ایران کا سعودی عرب میں امریکی سفارت خانے پر ڈرون حملہ

ریاض، لبنان اور کویت میں امریکی سفارت خانے فی الحال بند کر دیئے گئے ہیں اور امریکی شہریوں کو وہاں سے دور رہنے کی ہدایت کی گئی ہے۔

سی آئی اے کے سابق حکام کا کہنا ہے کہ اگرچہ یہ اسٹیشن کی سطح پر ایک نقصان ہے، لیکن ایرانی حکومت کے لیے یہ بہت بڑی اہمیت رکھتا ہے کیونکہ وہ سی آئی اے کو اپنا قدیم دشمن سمجھتے ہیں۔