طورخم میں لینڈ سلائیڈنگ : ایک اور شخص کی لاش نکال لی گئی، ہلاکتوں کی تعداد چار ہوگئی

لنڈی کوتل : پہاڑی تودہ گرنے کے باعث ملبے تلے ایک اور شخص کی لاش نکال لی گئی، امدادی کارروائیوں میں تیزی کے لیئے مزید مشینری پہنچا دی گئی۔

ضلع انتظامیہ کے مطابق طورخم بارڈر ٹرمینل کے قریب پہاڑی تودہ گرنے کے باعث ملبے تلے دب افراد اور ٹرکوں کو نکالنے کے لیے ریسکیو آپریشن آج تیسرے روز بھی جاری ہے۔

آپریشن کے دوران ایک اور شخص کی لاش نکال لی گئی، جس کے بعد جاں بحق ہونے والوں کی تعداد چار ہوگئی ہے، اب تک آٹھ زخمیوں کو نکالا جا چکا ہے۔ مزید ملبے متعدد افراد ملبے تلے دب ہونے کا خدشہ ہے۔

یہ بھی پڑھیں : طورخم بارڈر پر افغان فورسز کی ایف سی چیک پوسٹوں پر فائرنگ

مقامی لوگوں نے اپنی مدد آپ تحت دو بڑے کرینز طورخم پہنچا دیئے۔ علاقہ مکینوں کا کہنا ہے کہ بڑے کرینوں سے ملبے ہٹانے کا عمل جاری ہے۔ ملبے تک دب افراد اور ٹرکوں کو نکالنے کے لیے ہنگامی اقدامات اٹھائے جائیں۔ ضلعی انتظامیہ نے بتایا کہ ریسکیو آپریشن کے لیے آج دو مزید دو کرینز پہنچا دیئے جائیں گے۔