فواد چودھری کے بھائی کو ٹکٹ ملنے پر پی ٹی آئی رہنماؤں کا پارٹی چھوڑنے کا اعلان

جہلم: رہنما پی ٹی آئی فواد چودھری کے بھائی کو ٹکٹ ملنے پر پی ٹی آئی رہنماؤں نے پارٹی چھوڑنے کا اعلان کردیا۔

پی ٹی آئی شمالی پنجاب کے نائب صدر زاہد اختر نے استعفیٰ دے دیا اور پنجاب کے سابق رکن صوبائی اسمبلی یاور کمال نے بھی پی ٹی آئی چھوڑنے کا اعلان کردیا ہے۔

راجا یاور کمال کا کہنا تھا کہ عمران خان نے فواد چودھری سے بلیک میل ہو کر مجھے ٹکٹ نہیں دیا، فواد چودھری کے بھائی کو ٹکٹ دے کر موروثی سیاست کو پروان چڑھایا۔

یہ بھی پڑھیں: یہ جو کھیل کھیلا جارہا ہے وہ لندن پلان کا حصہ ہے: فواد چودھری

دوسری جانب پی ٹی آئی شمالی پنجاب کے نائب صدر زاہد اختر کا کہنا تھا کہ عمران خان میرے کپتان آپ رانگ نمبر ہیں، فواد چودھری کی وجہ سے نظریاتی لوگ پارٹی چھوڑ گئے، پی ٹی آئی کے ٹکٹ ہولڈر کیخلاف پی پی 25 سے الیکشن لڑوں گا۔