فیروز خان اور بھارتی اداکارہ کے درمیان تعلقات کے چرچے

معروف پاکستانی اداکار فیروز خان کی بھارتی اداکارہ گتھیکا تیواری کے درمیان تعلقات کی خبریں سوشل میڈیا پر گردش کررہی ہیں۔

اس سال کے آغاز میں اداکارفیروز خان کے تامل اور ہندی فلموں کی جانی مانی بھارتی اداکارہ و ماڈل گتھیکا تیواری کے ہمراہ فیچر فلم کے اعلان کے بعد سے سوشل میڈیا پر اکثر دونوں کی ویڈیوز اور تصاویر منظرِ عام پر آتی رہتی ہیں۔

گزشتہ دنوں سوشل میڈیا پر فیروز خان اور بھارتی اداکارہ کی ایک اور ویڈیو وائرل ہورہی ہے جس میں دونوں کار میں بیٹھے ہیں اور فیروز خان کافی خوش نظر آرہے ہیں۔
سوشل میڈیا پر وائرل یہ ویڈیو فیروز خان اور گتھیکا تیواری کی نئی فیچر فلم کی شوٹنگ کے سیٹ پر بنائی گئی ہے۔

وائرل ویڈیو کے بعد مداحوں نے انسٹاگرام پر گتھیکا تیواری کو سرچ کیا تو معلوم ہوا کہ بھارتی اداکارہ نے اپنے انسٹاگرام ہینڈل سے صرف ایک اکاؤنٹ فالو کیا ہوا ہے اور وہ فیروز خان کا اکاؤنٹ ہے۔

 

View this post on Instagram

 

A post shared by lollywoodspace (@lollywoodspace)

جس کے بعد مداحوں کے ذہنوں میں کئی سوالات نے جنم لیا کہ بھارتی اداکارہ نے انسٹاگرام پر صرف فیروز خان کو ہی کیوں فالو کیا ہوا ہے؟

اداکار فیروز خان کے چاہنے والوں نے اپنی طرف سے اندازے لگاتے ہوئےان سے سوال کیا کہ کیا یہ ہماری نئی بھابھی ہیں؟ جبکہ کچھ بھارتی مداحوں نے گھتیکا تیواری سے کہا کہ ایسا لگتا ہے کہ آپ کو فیروز خان سے محبت ہوگئی ہے۔

فلحال سوشل میڈیا پر زیرِ گردش خبروں پر فیروز خان اور بھارتی اداکارہ گتھیکا تیواری نے کوئی ردعمل نہیں دیا۔

واضح رہے کہ فیروز خان نے ابھی تک اپنی اس فیچر فلم کے نام کا اعلان نہیں کیا ہے، اس فیچر فلم کی ہدایت کاری ذوالفقار علی کر رہے ہیں، ڈی پی او اسد ممتاز ہیں جبکہ بلال قریشی ایگزٹیو پروڈیوسر ہیں۔

یہ پڑھیں:عاطف اسلم کی 7 سال بعد بالی ووڈ کی دنیا میں واپسی