یونان حادثے کے بعد تیونس میں کشتی ڈوب گئی، 20 افراد ہلاک

افریقی ملک تیونس میں تارکین وطن کی کشتی ڈوبنے سے کم از کم 20 افراد ہلاک ہو گئے جبکہ 5 کو بچا لیا گیا۔

غیر ملکی میڈیا کے مطابق تیونس کے ساحلی محافظوں نے افریقہ سے تعلق رکھنے والے 20 غیر قانونی تارکین وطن کی لاشیں برآمد کر لی ہیں۔ حکام کا کہنا ہے کہ کشتی حادثے میں متعدد افراد لاپتہ ہوگئے ہیں جن کی تلاش جاری ہے۔

نیشنل گارڈ نے بتایا کہ کوسٹ گارڈ نے بدھ کے روز اسی کشتی پر سوار پانچ دیگر افراد کو بچا لیا اور ابھی تک لاپتہ افراد کی تلاش کا کام جاری ہے۔

مزید پڑھیں:یونان کشتی حادثہ؛ جاں بحق پاکستانیوں کی تعداد سامنے آگئی

مزید پڑھیں:یونان کشتی حادثہ کیسے پیش آیا؟ پاکستانی متاثرین نے آنکھوں دیکھا حال بتا دیا

حکام کے مطابق کشتی صفاقس شہر کے ساحل کے قریب ڈوبی جو افریقی تارکین وطن کی روانگی کا مقام ہے۔ تیونس کے ساحل کے قریب ایک ہفتے کے اندر تارکین وطن کے ڈوبنے کا یہ دوسرا واقعہ ہے۔

خیال رہے کہ گزشتہ جمعرات کو تیونس کے کوسٹ گارڈ نے 9 تارکین وطن کی لاشیں بھی برآمد کی تھیں جبکہ 6 تارکین وطن اب بھی لاپتہ ہیں۔