بھارت اور اسرائیل کا سافٹ پاور منصوبہ بے نقاب

بھارت نے سافٹ پاور کو عالمی سطح پر اپنے مفادات کیلئے طاقتور ہتھیار کے طور پر استعمال کرنے کی حکمت عملی اختیار کی ہے۔

تفصیلات کے مطابق بھارتی سافٹ پاور کا مقصد مقبوضہ کشمیر میں انسانی حقوق کی خلاف ورزیوں اور دیگر داخلی مسائل سے عالمی توجہ ہٹانا ہے۔ اسی حکمت عملی کا اسرائیل بھی فلسطین میں استعمال کر رہا ہے تاکہ اپنے اقدامات کی عالمی سطح پر حمایت حاصل کر سکے۔

بھارت نے عالمی سطح پر اپنے مثبت تاثر کو بڑھانے کیلئے ان وسائل کا استعمال کیا ہے، جبکہ مقبوضہ کشمیر میں انسانی حقوق کی خلاف ورزیوں کو چھپانے کی کوشش کی ہے۔

بھارت نے اپنی ڈیجیٹل سفارتکاری کے ذریعے کشمیر میں جاری ظلم و ستم کو دنیا سے چھپانے کی حکمت عملی اپنائی ہے، جس میں سوشل میڈیا اور دیگر ڈیجیٹل پلیٹ فارمز کا استعمال کیا جاتا ہے۔

واضح رہے کہ بھارت نے اپنی سافٹ پاور کو مضبوط کرنے کیلئے مختلف ذرائع کا استعمال کیا ہے، جن میں بالی ووڈ، میڈیا، ثقافتی سفارتکاری اور ڈیجیٹل پلیٹ فارمز شامل ہیں۔

اسی طرح سے اسرائیل بھی فلسطین میں اپنے اقدامات پر ہونے والی تنقید سے بچنے کیلئے انہی حکمت عملیوں کو اپنانا چاہتا ہے جو بھارت نے اختیار کی ہیں۔

رپورٹس کے مطابق اسرائیل نے اپنی ڈیجیٹل سفارتکاری کو بڑھانے کیلئے سوشل میڈیا اور دیگر آن لائن پلیٹ فارمز کا استعمال شروع کر دیا ہے تاکہ فلسطین میں اپنے اقدامات کو دفاعی اور سیکیورٹی کے بہانے پیش کیا جا سکے۔

بھارت نے عالمی فورمز پر مقبوضہ کشمیر میں اپنی پوزیشن کو مستحکم کرنے کیلئے بین الاقوامی تنظیموں کا استعمال کیا ہے۔ وہ اقوام متحدہ اور دیگر عالمی اداروں کو اپنے حق میں استعمال کر کے کشمیر پر قراردادوں کو روکنے میں کامیاب رہا ہے۔

 بھارت نے عالمی سطح پر اپنے حق میں بیانیہ قائم کرنے کیلئے بیرون ملک مقیم اپنے شہریوں کو استعمال کیا ہے۔ اس کے علاوہ بھارت نے اپنی ثقافتی سفارتکاری کے ذریعے تعلیمی تبادلوں اور دیگر پروگراموں کے ذریعے دنیا بھر میں اپنی مثبت تصویر پیش کی ہے۔

اسی طرز پر اسرائیل بھی فلسطین میں اپنے اقدامات کو جائز ثابت کرنے کیلئے عالمی سطح پر اپنی ڈائسپورا کا استعمال کر رہا ہے۔اسرائیل کی کوشش ہے کہ وہ فلسطین میں اپنے قبضے کو سیکیورٹی کے بہانے پیش کرے اور عالمی رائے عامہ کو اپنے حق میں کر سکے۔

خیال رہے کہ اسرائیل نے فلسطین پر اپنے اقدامات کو دفاعی عمل کے طور پر پیش کرنے کیلئے میڈیا کا استعمال شروع کر دیا ہے، بالکل اسی طرح جیسے بھارت مقبوضہ کشمیر میں اپنی کارروائیوں کو عالمی سطح پر چھپانے کی کوشش کرتا ہے۔

بھارت کی حکمت عملی کا ایک اور اہم پہلو اس کا میڈیا نیٹ ورک ہے، جس کے ذریعے وہ مقبوضہ کشمیر میں ہونے والی انسانی حقوق کی خلاف ورزیوں کو چھپانے کی کوشش کرتا ہے۔

بھارت اور اسرائیل کی یہ مشترکہ حکمت عملی عالمی سطح پر سافٹ پاور کو ہتھیار کے طور پر استعمال کرنے کا ایک واضح نمونہ پیش کرتی ہے۔ دونوں ممالک عالمی رائے عامہ کو اپنے حق میں کرنے کے لیے میڈیا، ثقافتی سفارتکاری، اور اقتصادی منصوبوں کا استعمال کر رہے ہیں تاکہ وہ اپنے داخلی مسائل سے دنیا کی توجہ ہٹا سکیں اور اپنے اقدامات کو عالمی سطح پر جائز قرار دے سکیں۔

بھارت کے میڈیا چینلز مقبوضہ کشمیر کی صورتحال پر کم توجہ دیتے ہیں اور اس کے بجائے عالمی سطح پر بھارت کی مثبت تصویر پیش کرنے کی کوشش کرتے ہیں۔اسرائیل بھی بھارت کے میڈیا نیٹ ورک سے فائدہ اٹھاتے ہوئے فلسطین میں اپنی پوزیشن کو مضبوط کرنے کی کوشش کر رہا ہے۔

علاوہ ازیں بھارت نے عالمی سطح پر اپنے اقتصادی منصوبوں کو بھی ایک اہم ہتھیار کے طور پر استعمال کیا ہے تاکہ وہ اپنی شبیہہ کو بہتر بنا سکے اور عالمی سطح پر کشمیر میں جاری ظلم و ستم سے توجہ ہٹا سکے۔ بھارت نے اپنے اقتصادی ترقیاتی منصوبوں کو بین الاقوامی سطح پر مارکیٹ کیا ہے، جبکہ اس کے اندرونی ظلم و ستم کو نظرانداز کیا گیا ہے۔

اسی حکمت عملی کو اسرائیل بھی اپنانا چاہتا ہے تاکہ وہ فلسطین میں اپنے اقدامات کو عالمی سطح پر چھپانے اور ان کے بارے میں رائے عامہ کو اپنے حق میں کرنے میں کامیاب ہو سکے۔ اسرائیل نے اپنے امدادی منصوبوں کو مارکیٹ کرنے کی کوشش کی ہے تاکہ فلسطین میں اپنے قبضے کو جواز فراہم کیا جا سکے۔