عبداللہ شفیق نے صفر پر آؤٹ ہوکر ناپسندیدہ ریکارڈ بناڈالا

قومی ٹیم کے اوپنر عبداللہ شفیق نے دوطرفہ باہمی سیریز میں ناپسندیدہ ریکارڈ اپنے نام کرلیا۔

جوہانسبرگ میں کھیلے جارہے سیریز کے تیسرے اور آخری ون ڈے میچ میں بھی اوپنر عبداللہ شفیق صفر پر پویلین روانہ ہوئے اور ایک ناپسندیدہ ریکارڈ اپنے نام کرلیا۔

عبداللہ شفیق ایک ون ڈے سیریز کے تمام میچوں میں صفر پر آؤٹ ہونے والے پہلے اوپنر بن گئے جبکہ ایک سال میں سب سے زیادہ انٹرنیشنل صفر کے انفرادی اسکور پر آؤٹ ہونیوالے والے اوپنر بھی بن گئے ہیں۔

سال 2024 میں عبداللہ شفیق 21 اننگز میں 7 مرتبہ صفر پر آؤٹ ہوئے۔

مزید پڑھیں: اے آئی کے ذریعے رونالڈو کی مقدس ترین مقام کی تصاویر وائرل

اس سے قبل عمران نذیر سال 2000 میں 6 مرتبہ اور محمد حفیظ 2012 میں 6 مرتبہ صفر پر آؤٹ ہوچکے ہیں۔

سب سے زیادہ انٹرنیشنل ڈکس کا ریکارڈ جنوبی افریقا کے ہرشل گبز اور سری لنکا کے تلکارتنے دلشان کے پاس ہے جو ایک سال میں 8 مرتبہ صفر پر آؤٹ ہوئے تھے۔