رمضان المبارک؛ ملازمین کیلئے ورکنگ آورز میں کمی کا اعلان

متحدہ عرب امارات میں نجی شعبے کے ملازمین کیلئے ورکنگ آورز میں کمی کا اعلان کر دیا گیا ہے۔

متحدہ عرب امارات (یو اے ای)  نے رمضان المبارک کے دوران  نجی شعبے کے ملازمین کیلئے کام کے اوقات کار میں 2 گھنٹے کی کمی کا اعلان کیا ہے۔

اس سے قبل اتھارٹی فارگورنمنٹ ہیومن ریسورسز کی جانب سے سرکاری ملازمین  کیلئے نئے اوقات کار کا اعلان کیا گیا تھا، جس کے مطابق پیر سے جمعرات تک دفتری اوقات صبح 9 بجے سے دوپہر 2:30 بجے تک ہونگے، جبکہ جمعہ کو کام کا آغاز صبح 9 بجے ہوگا اور دوپہر 12 اختتام  پذیر ہوگا۔

یاد رہے کہ بین الاقوامی فلکیاتی مرکز کے مطابق یکم مارچ 2025 بروز ہفتہ کو دنیا بھر میں زیادہ تر مسلمان روزہ رکھیں گے۔