کمشنر کراچی منافع خور مافیا کے سامنے بے بس، پھلوں کے نرخ بڑھا دیے

کراچی میں رمضان المبارک کے دوران مقامی انتظامیہ کی جانب سے منافع خوروں پر قابو پانے میں ناکامی کے بعد پھل عام شہریوں کی پہنچ سے دور ہو گئے۔

تفصیلات کے مطابق ایک تاجر نے مقامی نجی ٹی وی سے گفتگو کرتے ہوئے کہا کہ منافع خور مافیا اس مقدس مہینے میں کراچی میں پیسہ کما رہا ہے۔ منافع خور مافیا نے شہری انتظامیہ کو بے بس کر دیا جس کے نتیجے میں پھلوں کے سرکاری نرخوں میں اضافہ کر دیا گیا۔

جب فروٹ مارکیٹ کے تاجروں پر قابو نہ پایا جا سکا تو کمشنر کراچی کی جانب سے صارفین پر بوجھ ڈالتے ہوئے پھلوں کی سرکاری قیمتوں میں اضافہ کر دیا گیا۔

مزید پڑھیں:ڈپٹی کمشنر جنوبی کا منافع خوروں کیخلاف ایکشن، 13 لاکھ کا جرمانہ

مزید پڑھیں:اپر کرم میں فائرنگ سے اسسٹنٹ کمشنر زخمی

شہری کہتے ہیں انتظامیہ مارکیٹ کی قیمتوں اور سرکاری قیمتوں کے درمیان فرق کو ختم کرنے میں ناکام رہی اور اس کا سب سے آسان حل یہ ہے کہ پھلوں کی خوردہ سرکاری قیمت میں 25 روپے فی کلو تک کا اضافہ کیا جائے۔ اس سے منافع خور مافیا کے سامنے انتظامیہ کی بے بسی کا واضح اظہار ہوتا ہے۔

نئی قیمتوں کے مطابق امرود کی قیمت 150 روپے سے بڑھا کر 175 روپے، خربوزے کی قیمت 97 روپے سے بڑھا کر 114 روپے، کیلا 155 روپے سے بڑھا کر 208 روپے، چیکو کی قیمت 258 روپے سے بڑھا کر 278 روپے، سنہری سیب کی قیمت 230 روپے سے بڑھا کر 261 روپے اور کھجور کی سرکاری قیمت 550 روپے سے بڑھا کر 644 روپے کردی گئی ہے۔