پی آئی اے کی نجکاری؛ حکومت نے اہم فیصلہ کر لیا

حکومت نے پی آئی اے کی نجکاری سے متعلق اہم فیصلہ کر لیا ہے۔

وزیر نجکاری، سرمایہ کاری بورڈ و مواصلات عبدالعلیم خان نے گفتگو کرتے ہوئے کہا کہ اگلے 3 ماہ میں پی آئی اے نجکاری کے تمام مراحل طے کرلیں گے۔

انہوں نے کہا کہ ایئرلاین نجکاری میں دلچسپی رکھنے والوں کے تحفظات دور کر دیے ہیں اور حکومت نے خواہشمند پارٹیوں کے مطابق تبدیلیاں لانے کا فیصلہ کر لیا۔

عبدالعلیم خان نے کہا کہ نجکاری کو زیادہ سے زیادہ پر کشش بنانے کیلئے نیالائحہ عمل دے رہے ہیں، نجکاری میں سرمایہ کاروں سے بہت بہتر اظہار دلچسپی آنے کی توقع ہے۔

وزیر نجکاری نے کہا کہ یورپ کیلئے قومی ایئرلائن فلائٹس کے آغاز سے نجکاری کا ماحول مزید سازگار ہوگا، حالیہ اقدامات کے باعث پی آئی اے دوبارہ منافع بخش ہو رہا ہے۔

عبدالعلیم خان نے کہا کہ آئندہ 3 ماہ میں برطانیہ کیلئے بھی فلائٹس شروع ہونے جارہی ہیں، یورپ اور برطانیہ کے بعد امریکا اور مشرق بعید کیلئے فلائٹس کھولنی ہیں۔