پیپلز بس سروس میں سفر کرنے والوں کیلئے بڑی خوشخبری

وزیر اطلاعات سندھ شرجیل انعام میمن نے رمضان المبارک میں پیپلز بس سروس کے اوقات کار بڑھانے کا اعلان کردیا ہے۔

صوبائی وزیر اطلاعات شرجیل میمن کا کہنا ہے کہ 15 رمضان المبارک کے بعد سے رات گئے تک پیپلز بس سروس چلے گی۔ کوئی ادارہ ملازمین کو تنخواہ نہ دے تو اس کا بزنس روک سکتے ہیں۔

انہوں نے کہا کہ بانی پی ٹی آئی کے لیے دعا ہے کہ وہ جیل سے نکلیں، وہ پاکستان کے خلاف سازشیں نہ کریں۔

صوبائی وزیر نے کہا کہ کینالوں پر پی پی کا واضح موقف ہے، چولستان کینال کے مخالف ہیں، ایم کیو ایم وفاقی حکومت کا حصہ ہے ان کو وزارتیں ملنا ان کا حق ہے۔