پاکستان سے سعودی عرب جانے والے مسافروں کیلئے بڑی خوشخبری آگئی

فلائی جناح ایئرلائن نے اعلان کیا ہے کہ وہ کراچی سے جدہ کے لیے براہِ راست پروازیں چلانے جا رہی ہے۔ یہ پروازیں 10 دسمبر سے شروع ہوں گی۔

فلائی جناح کا یہ نیا روٹ حجاج، عمرہ زائرین، سیاحوں اور کاروباری مسافروں کے لیے آسانی پیدا کرے گا۔ ایک طرفہ ٹکٹ کی قیمت تقریباً 25 ہزار روپے سے شروع ہوگی۔ مسافروں کو اضافی سامان لے جانے اور کھانے پینے کی سہولت بھی فراہم کی جائے گی۔

ایئرلائن کے ترجمان کا کہنا تھا کہ ہمارا مقصد پاکستان اور سعودی عرب کے درمیان براہِ راست اور آسان روابط فراہم کرنا ہے۔ یہ سروس مسافروں کو سستا اور آرام دہ سفر کرنے کا موقع دے گی۔