دہشت گردوں سے پیار محبت کی باتیں نہ کی جائیں، خواجہ آصف

وزیر دفاع خواجہ آصف کا کہنا ہے کہ دہشت گردوں سے پیار محبت کی باتیں نہ کی جائیں۔

وزیر دفاع خواجہ آصف نے سیالکوٹ میں میڈیا سے گفتگو کرتے ہوئے کہا کہ پی ٹی آئی نے گالیاں دینے کا وطیرہ بنالیا، دہشت گردوں سے پیار محبت کی باتیں نہ کی جائیں۔

 انہوں نے کہا کہ بانی پی ٹی آئی کی بہن نے بھارتی میڈیا سے گفتگو کی، کیا کوئی پاکستانی ایسی گفتگو کرسکتا ہے، یہ کس طرح خود کو محب وطن قرار دے سکتے ہیں؟

خواجہ آصف نے کہا کہ بانی پی ٹی آئی بھارت سے جنگ کے دوران کیوں نہیں بولے؟ دہشت گردوں سے بات چیت کی باتیں نہ کریں، جب اس طرح کے رویے رکھے جائیں گے تو ایسی زبان استعمال ہوگی۔