پاکستان پہلگام میں ملوث نہیں تھا، بھارت نے عالمی قانون توڑا، جواب دے: اقوام متحدہ

اقوام متحدہ کی خصوصی رپورٹ میں کہا گیا ہے کہ پاکستان پہلگام میں ملوث نہیں تھا، بھارت نے عالمی قانون توڑا، جواب دے۔

اقوام متحدہ کے ماہرین نے پاک بھارت جنگ پر رپورٹ جاری کردی، جس میں ماہرین نے بھارت کے یکطرفہ اقدامات پر سخت اعتراضات کیے۔ رپورٹ کے مطابق پاکستان نے پہلگام حملے میں ملوث ہونے کی تردید کی، پاکستان نے غیر جانبدار اور شفاف تحقیقات کا مطالبہ کیا۔

ماہرین کی رپورٹ کے مطابق بھارت نے آپریشن سندور میں پاکستانی حدود میں طاقت کا استعمال کیا، یہ  طرز عمل اقوام متحدہ کے چارٹر کے خلاف ہے۔

خصوصی ماہرین کی رپورٹ کے مطابق بھارت نے یو این چارٹر کے تحت سیکیورٹی کونسل کو باضابطہ اطلاع نہیں دی، بھارتی حملوں میں مساجد متاثر ہوئیں، متعدد شہری شہید اور زخمی ہوئے، پاکستان نے سلامتی کونسل کو مطلع کیا وہ دفاع کا حق رکھتا ہے۔