کراچی؛ آوارہ کتے نے ایک ہی علاقے میں 20 سے زائد افراد کو کاٹ لیا

کراچی میں آوارہ کتے نے ایک ہی علاقے میں 20 سے زائد افراد کو کاٹ لیا۔

تفصیلات کے مطابق شہرِ قائد میں سگ گزیدگی کا ہولناک واقعہ پیش آیا جہاں آوارہ کتے نے ایک ہی علاقے میں 20 سے زائد افراد کو کاٹ لیا۔

کورنگی جمعہ گوٹھ میں کتے نے 20 سے زائد افراد کو اپنی وحشت کا نشانہ بنایا، آوارہ کتے نے بچوں سمیت بڑوں پر بھی حملہ کیا، متاثرہ افراد کو تیسرے درجے کے زخم آئے۔

رواں سال کراچی کے 3 بڑے اسپتالوں میں 50 ہزار سے زائد کیسز رپورٹ ہوئے، رواں سال 20 افراد ریبیز کے سبب جان کی بازی ہار چکے ہیں۔