بلوچستان میں زلزلے کے شدید جھٹکے، شہری خوفزدہ

بلوچستان کے ضلع خضدار اور گردونواح میں زلزلے کے جھٹکوں نے لوگوں کو خوفزدہ کردیا۔

زلزلہ پیما مرکز کے مطابق ریکٹر اسکیل پر زلزلے کی شدت 3.3 ریکارڈ کی گئی جبکہ اس کی گہرائی زمین میں 8 کلومیٹر تھی۔

حکام کا کہنا ہے کہ زلزلے کا مرکز خضدار سے تقریباً 70 کلومیٹر مغرب کی جانب واقع تھا۔

زلزلے کے جھٹکے محسوس ہوتے ہی شہری کلمہ طیبہ کا ورد کرتے ہوئے گھروں سے باہر نکل آئے۔ تاہم ابتدائی اطلاعات کے مطابق زلزلے سے کسی قسم کے جانی یا مالی نقصان کی کوئی خبر سامنے نہیں آئی۔