صدر مملکت کا بغداد میں روضہ کاظمیہ اور دیگر مقدس مقامات کا دورہ، امن اور اتحاد کی دعائیں

صدر مملکت آصف علی زرداری نے بغداد کا دورہ کیا اور وہاں موجود اہم مذہبی مقامات پر حاضری دی۔

انہوں نے حضرت شیخ عبدالقادر جیلانیؒ کے مزار پر فاتحہ خوانی کی اور کاظمیہ مقدسہ میں امامِ موسیٰ الکاظمؑ اور امامِ محمد التقیٰ الجوادؑ کے روضوں کی زیارت بھی کی۔

صدر زرداری نے کاظمیہ کے روضے پر اپنی دعاؤں میں امتِ مسلمہ کے امن، بھائی چارے اور سلامتی کے لیے خصوصی التجا کی۔

انہوں نے زائرین کی کتاب میں بھی اپنے تاثرات درج کیے۔

انہوں نے اہلِ بیتؑ کی تعلیمات کو علم، صبر، حکمت اور اخلاقی اقدار کے لازوال ذرائع قرار دیتے ہوئے ان پر زور دیا کہ یہ تعلیمات معاشرے میں امن و انصاف کے فروغ میں رہنمائی فراہم کرتی ہیں۔

اس کے علاوہ صدر نے امامِ اعظم ابو حنیفہؒ کے مزار پر بھی حاضری دی اور وہاں کے منتظمین اور مذہبی رہنماؤں سے ملاقاتیں کیں۔