مہنگے موبائل فون پیکجز سے پریشان صارفین کو پی ٹی اے نے بڑی خوشخبری سنادی

پی ٹی اے نے ٹیلی کام کمپنیوں کو موبائل فون پیکجز ماہانہ بنیادوں پر بڑھانے سے روک دیا ہے۔

پی ٹی اے حکام کے مطابق پی ٹی اے نے ٹیلی کام کمپنیوں کو موبائل فون پیکجز سہ ماہی بنیادوں پر بڑھانے کی اجازت دی، اس سے پہلے ٹیلی کام کمپنیاں ماہانہ بنیادوں پر پیکجز کی قیمت بڑھاتی تھیں۔

کمپنیوں کو گزشتہ سال کی قیمت دیکھ کر پیکجز کی قیمت بڑھانے کی اجازت دی جائے گی، گزشتہ سال کی نسبت 10 سے 20 فیصد بڑھانے کی اجازت دی جاتی ہے۔

 حکام پی ٹی اے کے مطابق پی ٹی اے کو صارفین کی جانب سے شکایات آرہی تھیں جس پر ایکشن لیا گیا، پی ٹی اے نے موبائل ٹیرف ریگولیشنز 2025 نافذ کر دیے ہیں، منظم اور متوازن ٹیرف نظام کے پیش نظر پی ٹی اے نے یہ اقدام اٹھایا۔

ٹیلی کام کمپنیاں نئے پیکجز کے اجراسے قبل پی ٹی اے سے پیشگی منظوری کی پابند ہیں، کمپنیوں کو موجودہ نرخوں میں اضافے سے قبل بھی پی ٹی اے سے منظوری لینا ضروری ہے۔