ٹک ٹاک میں اچانک ایک ایسی تبدیلی آگئی جو صارفین کو بالکل پسند نہیں آئے گی

ٹک ٹاک نے اپنی ایپ میں نئے اشتہاری فارمیٹس متعارف کروانے کا اعلان کیا ہے، جس سے صارفین کو ایپ کے اوپن ہوتے ہی اشتہارات دیکھنے کا تجربہ ملے گا۔

 کمپنی کا کہنا ہے کہ یہ اشتہارات برانڈز کو زیادہ صارفین تک پہنچنے میں مدد دیں گے۔ نئے فارمیٹس میں ایک ٹیک اوور اشتہار شامل ہے، جس میں کسی کمپنی یا برانڈ کا لوگو ایپ کے اوپن ہوتے ہی دکھایا جائے گا۔ اس کے ذریعے برانڈز صارفین کی توجہ فوراً حاصل کر سکیں گے۔ یہ اشتہار شراکت داری، اعتبار اور ثقافتی تعلق کو ظاہر کرے گا۔

ایک اور اشتہاری فارمیٹ پرائم ٹائم اشتہار ہے، جس میں کسی کمپنی کے تین اشتہارات مخصوص اوقات میں صارفین کو دکھائے جائیں گے، جیسے لائیو ایونٹس یا اہم سرگرمیوں کے دوران، اور یہ سب 15 منٹ کے اندر مکمل ہوں گے۔

ٹاپ ریچ نامی فارمیٹ میں پہلے ٹاپ ویو اور ٹاپ فیڈ کو یکجا کیا گیا ہے۔ ٹاپ ویو میں ایپ اوپن کرنے پر اشتہارات نظر آتے ہیں جبکہ ٹاپ فیڈ میں فور یو فیڈ کے اوائل میں اشتہارات دکھائے جاتے ہیں۔ اب دونوں فارمیٹس کو یکجا کر دیا گیا ہے، جس سے برانڈز کی رسائی بڑھ جائے گی۔

تاہم، صارفین کو اب زیادہ اشتہارات دیکھنے ہوں گے۔ مثال کے طور پر ایپ کھولتے ہی پہلے سیکنڈ میں اشتہار نظر آئے گا، اور ایک ہی کمپنی کے متعدد اشتہارات 15 منٹ میں دہرائے جائیں گے، جو ہر کسی کو پسند نہیں آئے گا۔

یہ تبدیلی ٹک ٹاک کے اشتہاراتی ماڈل کو مضبوط کرے گی، لیکن صارف کے تجربے پر بھی اثر ڈال سکتی ہے۔