متحدہ عرب امارات میں رہنے والے پاکستانیوں کیلئے اہم اعلان ہو گیا

متحدہ عرب امارات میں پاکستانی سفارتخانے میں تکنیکی خرابی کے باعث پاسپورٹ کی پراسیسنگ عارضی طور پر بند کر دی گئی ہے۔

سفارتخانے کی جانب سے جاری بیان میں کہا گیا ہے کہ پاسپورٹ سسٹم میں فنی مسئلے کی وجہ سے درخواستوں پر کام روک دیا گیا ہے۔ اس حوالے سے پاکستانی کمیونٹی کو باقاعدہ طور پر آگاہ کر دیا گیا ہے تاکہ وہ غیر ضروری طور پر دفاتر کے چکر نہ لگائیں۔

حکام کے مطابق جیسے ہی یہ تکنیکی مسئلہ حل ہو گا، پاسپورٹ سروس دوبارہ بحال کر دی جائے گی۔ سروس بحال ہونے کے بعد شہریوں کو فوری طور پر اطلاع دی جائے گی۔

سفارتخانے نے شہریوں کو مشورہ دیا ہے کہ وہ فی الحال پاسپورٹ کے لیے آن لائن درخواست جمع کروا دیں یا نئی ہدایات آنے تک انتظار کریں۔ اس سے رش کم رہے گا اور مسائل سے بھی بچا جا سکے گا۔