ٹرمپ کا کانگریس کو چکمہ دیکر ایران جنگ سے جلد نہ نکلنے کا عندیہ

امریکی صدر ٹرمپ نے امریکی کانگریس کو چکمہ دے کر ایران جنگ سے جلد نہ نکلنے کا عندیہ دے دیا۔

ابتدائی معلومات کے مطابق امریکا نے اپنی پالیسی میں نرمی دکھانے کے بجائے مزید سخت رویہ اپنانے کا فیصلہ کیا ہے، جس سے خطے میں کشیدگی بڑھنے کا امکان ظاہر کیا جا رہا ہے۔

فلوریڈا میں خطاب کے دوران امریکی صدر نے واضح کیا کہ امریکا اس وقت تک ایران کے خلاف اپنی حکمت عملی جاری رکھے گا جب تک تمام مقاصد حاصل نہیں ہو جاتے۔ جلدی میں جنگ سے نکلنے کو خطرناک قدم قرار دیا گیا۔

ایران کے ایٹمی پروگرام پر بھی سخت پیغام دیا گیا۔ امریکی صدر نے دو ٹوک انداز میں کہا کہ ایران کو ایٹمی ہتھیار حاصل کرنے کی اجازت نہیں دی جائے گی۔ اس کے ساتھ یہ بھی واضح کیا گیا کہ بروقت اقدامات نہ کیے جاتے تو اسرائیل اور یورپ کو شدید خطرات لاحق ہو سکتے تھے۔

خطاب میں خطے کے امن و استحکام پر بھی بات کی گئی۔ بتایا گیا کہ امریکا امن چاہتا ہے لیکن اس کے لیے مضبوط اور واضح حکمت عملی اپنانا ضروری ہے۔ اس بار پالیسی کو زیادہ محتاط انداز میں آگے بڑھانے کا عندیہ دیا گیا۔

دوسری جانب ماہرین کا خیال ہے کہ اس مؤقف سے مشرق وسطیٰ میں کشیدگی مزید بڑھ سکتی ہے۔ ایران اور امریکا کے درمیان جاری تنازع پہلے ہی عالمی سطح پر تشویش کا باعث بنا ہوا ہے۔

تجزیہ کاروں کے مطابق اگر یہی صورتحال برقرار رہی تو خطے میں امن کے امکانات متاثر ہو سکتے ہیں اور عالمی سیاست پر اس کے اثرات مزید گہرے ہوں گے۔