کراچی والے ہوجائیں تیار!!! جون میں سورج آگ برسائے گا یا پھر ہوگی تیز بارشیں؟ بڑی پیشگوئی سامنے آگئی

کراچی میں گرمی کی شدت ایک بار پھر بڑھ گئی ہے۔ شہر قائد میں جون کے آغاز کے ساتھ ہی موسم شدید گرم اور مرطوب ہو گیا ہے۔ شہریوں کو دن کے وقت تیز دھوپ اور حبس کا سامنا ہے جس کی وجہ سے معمولات زندگی متاثر ہو رہے ہیں۔

محکمہ موسمیات کے مطابق کراچی میں آج درجہ حرارت 36 سے 38 ڈگری سینٹی گریڈ تک رہنے کا امکان ہے۔ تاہم ہوا میں نمی کی زیادہ مقدار کی وجہ سے اصل محسوس ہونے والی گرمی اس سے کہیں زیادہ ہوگی۔ صبح کے وقت نمی کا تناسب 69 فیصد ریکارڈ کیا گیا ہے جس نے حبس میں اضافہ کر دیا ہے۔

محکمہ موسمیات کا کہنا ہے کہ مئی کے آخری ہفتے سے شروع ہونے والی گرمی کی لہر اب بھی برقرار ہے۔ جون کے پورے مہینے میں موسم زیادہ تبدیل ہونے کی توقع نہیں ہے۔ شہر میں بارش کے امکانات بھی فی الحال نہ ہونے کے برابر ہیں۔