بینظیر انکم سپورٹ پروگرام کے حوالے سے حکومت کا اہم فیصلہ

بینظیر انکم سپورٹ پروگرام کے تحت مستحق خاندانوں کے لیے آئندہ مالی سال سے امدادی رقم میں اضافے کا فیصلہ کیا گیا ہے۔

پروگرام کی چیئرپرسن سینیٹر روبینہ خالد نے کہا ہے کہ بینظیر انکم سپورٹ پروگرام غریب طبقے کی مالی مدد کے ساتھ ساتھ ان کی عزت نفس اور معاشی خودمختاری کو بھی مضبوط بناتا ہے۔ اس پروگرام کے بارے میں پھیلایا جانے والا منفی پروپیگنڈہ قابل افسوس ہے۔

روبینہ خالد نے کہا کہ آئندہ مالی سال سے بی آئی ایس پی کی سہ ماہی قسط 18 ہزار روپے مقرر کرنے کا فیصلہ کیا گیا ہے۔ اس اضافے سے لاکھوں مستحق خاندانوں کو براہ راست فائدہ پہنچے گا اور ان کی مالی مشکلات میں کمی آئے گی۔

مزید بتایا گیا ہے کہ جولائی سے پروگرام کے تحت تمام ادائیگیاں مکمل طور پر ڈیجیٹل نظام کے ذریعے کی جائیں گی۔ اس کے لیے ڈیجیٹل والٹس کا استعمال لازمی ہوگا، جس سے شفافیت میں اضافہ ہوگا اور رقوم کی ترسیل کا عمل مزید تیز ہو جائے گا۔