سندھ حکومت نے 4 اگست کو عام تعطیل کا اعلان کردیا

سندھ حکومت نے چہلم حضرت امام حسینؓ کے موقع پر صوبے بھر کے سرکاری اور نجی تعلیمی اداروں میں عام تعطیل کا اعلان کر دیا ہے۔

محکمہ اسکول ایجوکیشن سندھ نے اس حوالے سے باقاعدہ نوٹیفکیشن بھی جاری کر دیا گیا ہے۔ نوٹیفکیشن کے مطابق تعطیل کا اطلاق صوبے کے تمام سرکاری اور نجی اسکولوں پر یکساں طور پر ہوگا۔ تمام تعلیمی ادارے 4 اگست 20 صفر 1448 ہجری کو بند رہیں گے۔

چہلم حضرت امام حسینؓ کے موقع پر صوبے کے مختلف شہروں میں مذہبی اجتماعات، جلوس اور دیگر تقریبات منعقد کی جائیں گی۔ انہی سرگرمیوں کے پیش نظر تعلیمی اداروں میں تعطیل دینے کا فیصلہ کیا گیا ہے تاکہ شہریوں کو آمدورفت میں آسانی ہو اور سیکیورٹی انتظامات بھی مؤثر انداز میں کیے جا سکیں۔