کیڈٹ کالج وانا کی صورتحال کے تازہ ترین ویڈیو مناظر منظرِعام پر آگئے

کیڈٹ کالج وانا کی صورتحال کے تازہ ترین ویڈیو مناظر منظرِعام پر آگئے ہیں۔

سیکیورٹی ذرائع کے مطابق کیڈٹ کالج وانا کی  تازہ ترین ویڈیو منظرِعام پر آگئی ہے جس میں سیکیورٹی فورسز کی جانب سے بچوں کو ریسکیو کرتے دیکھا جا سکتا ہے۔

سیکیورٹی ذرائع کا کہنا ہے کہ اب تک تمام طلبا اور اساتذہ کو ریسکیو کر لیا گیا ہے، جبکہ تمام کیڈٹس محفوظ ہیں، سیکیورٹی فورسز کا آپریشن نہایت احتیاط اور حکمتِ عملی سے جاری ہے۔

آئی جی فرنٹیئر کور خیبر پختونخوا ساؤتھ ، کیڈٹ کالج وانا میں آپریشن کی خود نگرانی کر رہے ہیں، کالج میں اس وقت بھی 300 کے قریب افراد موجود ہیں۔

  سیکیورٹی ذرائع کا کہنا ہے کہ افغان خوارج کی کالج میں موجودگی کے باعث کیڈٹس کی جانوں کے تحفظ کو مدنظر رکھتے ہوئے سیکیورٹی فورسز دہشتگردوں کے خلاف نہایت احتیاط سے آپریشن جاری رکھے ہوئے ہیں۔

 سیکیورٹی ذرائع کا کہنا ہے کہ آخر دہشتگرد کے خاتمے تک سیکیورٹی فورسز کا آپریشن جاری رہے گا۔