چیمپیئنز ٹرافی؛ ناکام بابراعظم نے ایک اور ریکارڈ بنالیا

قومی ٹیم کے سابق کپتان بابراعظم نے چیمپیئنز ٹرافی میں بھارت کے خلاف اہم سنگ میل عبور کرلیا۔

دبئی میں کھیلے جارہے میچ میں قومی ٹیم کے اوپنر بابراعظم نے 23 رنز کی اننگز کھیلی اور اہم سنگ میل حاصل کیا تاہم شائقین انکی ناقص فارم پر نالاں نظر آئے۔

بھارت کے خلاف غیر متاثر کن پرفرمنس دینے کے باوجود بابار اعظم نے اہم ریکارڈ اپنے نام کرلیا اور آؤٹ ہونے سے قبل انہوں نے آئی سی سی کے زیر اہتمام ایک روزہ میچز میں ایک ہزار رنز مکمل کرلیے۔

مزید پڑھیں: میچ آسٹریلیا، انگلینڈ کا! ترانہ بجا بھارت کا، مگر کیسے؟ ویڈیو وائرل

ون ڈے فارمیٹ میں ایک ہزار یا اس سے زیادہ رنز بنانے کا اعزاز اب تک پاکستان کی قومی کرکٹ ٹیم میں سعید انور اور جاوید میانداد کو حاصل تھا۔

مزید پڑھیں: چیمپئنز ٹرافی: دبئی میں بارش متوقع، کیا پاک بھارت میچ متاثر ہوگا؟

واضح رہے کہ آج دبئی میں بھارت کیخلاف میچ میں بابر اعظم 23 رنز بناکر ہارڈیک کی گیند پر وکٹ کیپر کے ہاتھوں کیچ آؤٹ ہوگئے۔