پنجاب اسمبلی میں ٹک ٹاک لائیو پر پابندی لگانے کیلئے قرارداد جمع

لاہور: پنجاب اسمبلی میں ٹک ٹاک لائیو چیٹ پر پابندی لگانے کیلئے قرارداد جمع کرادی گئی۔

رپورٹ کے مطابق قرارداد اپوزیشن رکن فرخ جاوید مون نے جمع کروائی۔ قرارداد کے متن کے مطابق ٹک ٹاک مافیا لائیوچیٹ کے ذریعے فحاشی اور عریانی کو فروغ دے رہا ہے۔

قرارداد کے مطابق نوجوان نسل خاص طور پربچوں کو بے حیائی کی طرف راغب کیا جا رہا ہے۔ قرارداد میں وفاقی حکومت سے ٹک ٹاک لائیو پر فوری پابندی عائد کرنے کا مطالبہ کیا گیا ہے۔