ایرانی وزیرخارجہ عباس عراقچی اسلام آباد پہنچ گئے

ایرانی وزیرخارجہ عباس عراقچی اسلام آباد پہنچ گئے۔

ترجمان دفترخارجہ کے مطابق نائب وزیراعظم ، فیلڈ مارشل سیدعاصم منیر اوردیگر اعلیٰ حکام نے ایرانی وزیر خارجہ کا استقبال کیا۔

دورے کے دوران ایرانی وزیر خارجہ پاکستان کی اعلیٰ قیادت سے ملاقاتیں کرینگے، خطے کی صورتحال اور علاقائی امن و استحکام کیلئے جاری کوششوں پر تبادلہ خیال کیا جائیگا۔

اس سے قبل ایرانی وزیر خارجہ عباس عراقچی نے ویب سائٹ ایکس پر پوسٹ کے ذریعے دورہ پاکستان کا باضابطہ اعلان کیا تھا۔

انہوں نے کہا تھا کہ وہ مسقط اور روس کا دورہ بھی کرینگے، ہمارے پڑوسی ہماری اولین ترجیح ہیں، علاقائی صورتحال اور دوطرفہ امور پر مشاورت کیلئے دورہ کروں گا۔