امریکا کے 61 فیصد عوام نے ایران پر حملے کو غلط قرار دے دیا

واشنگٹن: امریکا کے ایک نئے سروے میں 61 فیصد شہریوں نے ایران پر حملے کو غلط فیصلہ قرار دیا ہے۔ یہ سروے واشنگٹن پوسٹ، اے بی سی نیوز اور ایپسوس نے مشترکہ طور پر کیا۔

سروے کے مطابق صرف 36 فیصد امریکیوں نے ایران پر فوجی کارروائی کی حمایت کی۔ 90 فیصد ڈیموکریٹس نے جنگ کے خلاف رائے دی۔ 71 فیصد آزاد افراد نے بھی اسے غلطی کہا۔

دلچسپ بات یہ ہے کہ ری پبلکن پارٹی کے 19 فیصد لوگوں نے بھی حملے کو غلط قرار دیا۔

سروے میں پوچھا گیا کہ امریکا کا اگلا قدم کیا ہونا چاہیے۔ اس پر ملا جلا ردعمل سامنے آیا۔ 48 فیصد لوگوں نے کہا کہ امریکا کو ایران سے امن معاہدہ کر لینا چاہیے۔ چاہے وہ معاہدہ کمزور ہی کیوں نہ ہو۔

دوسری طرف 46 فیصد کا کہنا تھا کہ امریکا کو ایران پر دباؤ بڑھانا چاہیے۔ تاکہ بہتر معاہدہ ہو سکے۔ چاہے اس کے لیے دوبارہ فوجی کارروائی کرنی پڑے۔

اس سے پہلے مئی 2006 میں بھی ایسا ہی ایک سروے ہوا تھا۔ اس وقت 59 فیصد امریکیوں نے عراق جنگ کو غلط کہا تھا۔ 1971 کے گیلپ سروے میں بھی 10 میں سے 6 امریکیوں نے ویتنام جنگ کو غلطی قرار دیا تھا۔