وزٹ ویزے پر حج کے خواہمشمندوں کیلئے بڑی خبر آگئی

سعودی عرب کی وزارت داخلہ نے واضح کر دیا ہے کہ وزٹ ویزا پر آنے والے افراد کو حج ادا کرنے کی اجازت نہیں دی جائے گی۔

 حکام کے مطابق حج صرف انہی افراد کے لیے ممکن ہے جن کے پاس باقاعدہ حج پرمٹ موجود ہو۔ اس کے بغیر کسی بھی شخص کو حج کرنے کی اجازت نہیں دی جائے گی۔

وزارت داخلہ کی جانب سے جاری بیان میں کہا گیا ہے کہ حج کے دوران تمام قوانین پر سختی سے عمل کرنا ضروری ہے۔ ہر سال لاکھوں افراد حج کے لیے سعودی عرب آتے ہیں۔ اس لیے انتظامات کو منظم رکھنے کے لیے یہ قوانین نافذ کیے گئے ہیں۔

حکام نے واضح کیا ہے کہ وزٹ ویزا یا کسی بھی غیر مجاز ویزا پر آنے والے افراد حج کی ادائیگی نہیں کر سکتے۔ اگر کوئی شخص ان قوانین کی خلاف ورزی کرے گا تو اس کے خلاف سخت قانونی کارروائی کی جائے گی۔

سعودی حکام نے تمام زائرین سے اپیل کی ہے کہ وہ حج سیزن کے دوران انتظامیہ کے ساتھ مکمل تعاون کریں۔ اس کے ساتھ یہ بھی کہا گیا ہے کہ کسی بھی مشکوک یا غیر قانونی سرگرمی کی اطلاع فوری طور پر متعلقہ اداروں کو دی جائے۔