سی ٹی ڈی نے بھتہ خوری میں ملوث2اہم دہشت گردوں کو گرفتار کرلیا

پشاور : سی ٹی ڈی نے کاروائی کرتے ہوئے بھتہ خوری میں ملوث2اہم دہشت گرد وں کو لاہور سے گرفتار کرلیا۔

ڈی آئی جی سی ٹی ڈی عمران شاہد نے پریس کانفرنس کرتے ہوئے کہا کہ بھتہ خوری میں ملوث2اہم دہشت گرد وں کو گرفتار کرلیا، دہشتگرد سیاستدانوں کو بھی دھمکی آمیز فون کرتے تھے ،دہشت گرد بھتہ نہ دینے پر جان سے مارنے کی دھمکیاں دیتے تھے ، سابق سینیٹر کو بھتے کی کال آئی تھی ۔

ڈی آئی جی سی ٹی ڈی نے بتایا کہ کالعدم تنظیموں ، دہشت گردوں کے ٹھکانے افغانستان میں ہیں ، دونوں دہشتگردوں کو لاہور سے گرفتار کیا گیا ہے ، گرفتار دہشت گردزمان فیض اور سعید اللہ کا تعلق افغانستان سے ہے ۔

عمران شاہد نے بتایا کہ دہشت گردوں سےبھتہ خوری میں استعمال ہونے والے موبائل فونز برآمدکرلئے ہیں، مختلف شہروں کے کاروباری حضرات کے وزیٹنگ کارڈز بھی برآمدکئے ہیں،دہشت گرد بذریعہ واٹس ایپ و موبائل کالز سے بھتے کا مطالبہ کرتے تھے۔

یہ پڑھیں : خیبر میں سیکیورٹی فورسز کی کارروائی : 3 دہشت گرد ہلاک