فارم اپ لوڈ نہ کرنےکا کیس، عدالت نے الیکشن کمیشن سے جواب طلب کرلیا

اسلام آباد: فارم45اور47ویب سائٹ پر اپ لوڈ کرنے پر الیکشن کمیشن کیخلاف کیس میں ایم ڈبلیو ایم کی جانب سے ایڈووکیٹ ایمان مزاری عدالت میں پیش ہوئی۔

وکیل نے دوران سماعت عدالت میں کہا کہ 8فروری کو انتخابات ہوئےمگر متعلقہ دستاویزات اپلوڈ نہیں کیے گئے، 14دنوں میں فارم اور متعلقہ دستاویزات اپ لوڈ کرنا ضروری ہیں۔

اسلام آباد ہائیکورٹ نے الیکشن کمیشن کو نوٹس جاری کرتے ہوئےآئندہ ہفتے جواب طلب کرلیا،عدالت نے کیس کی سماعت آئندہ ہفتے تک ملتوی کردی۔

سربراہ ایم ڈبلیو ایم علامہ راجا ناصر عباس نے میڈیا سے گفتگو کرتے ہوئے کہا کہ عوام الیکشن میں دھاندلی کرنے والوں کو نہیں چھوڑیں گے، عوام کے مینڈیٹ کے بغیر آنے والی حکومت کا کوئی اثر نہیں ہوگا۔

علامہ راجا ناصر عباس نے کہا کہ کسی کا حق چھین کر آپ کامیاب نہیں ہو سکتے،حکومت دلوں پر ہوتی ہے یہ فرعونیت ہوتی ہے جو زبردستی مسلط ہوتے ہیں۔

یہ پڑھیں :جڑانوالہ میں مسیحی برادری پر تشدد پر گہرا دکھ ہوا، علامہ راجہ ناصر عباس